Aking DOST Scholarship (RA 7687) Journey
Noong 2010, pumasok ako sa kolehiyo na may kasamang kaba at excitement, tulad ng karamihan sa atin. Bago pa pumasok, ang iniisip ko lang ay kung paano ko masusustentohan ang aking sarili sa college. Nag-enroll ako ng BSMath sa isang state university, dala ang simpleng pangarap na makapagtapos para makuha ko ang inaasam kong "shape of success." Wala akong ideya na ang aking college experience ay magiging kakaibang adventure—lalo na sa DOST Scholarship!
Wala pa akong kaalam-alam noon na nakapasa pala ako sa DOST Scholarship (RA 7687). Siguro dahil sa sobrang simpleng pamumuhay, hindi pa ako masyadong nag-iinternet at hindi ko rin talaga alam paano malalaman ang resulta ng DOST exam. Balak ko na nga mag-working student noon. Iniisip ko, pwede naman akong mag-part-time sa mga fast food chain kasi keri ko naman siguro ang trabaho habang nag-aaral. Kasi sabi nga nila, "Kung may gusto kang abutin, sipag at tiyaga ang baon." At sa aking kaso, P100 din ang baon ko araw-araw, so extra sipag at tiyaga talaga ang kailangan ko!
Paano Ko Natuklasan na Scholar Pala Ako
Isang araw, sa isa naming computer subject (na dati ko pa gusto kasi free aircon, haha!), ang topic namin ay "Think Before You Click." Basic na lesson lang ‘to sa online safety, pero in-assign kami ng task na mag-Google ng pangalan namin para makita kung may kapangalan kami o may mga articles tungkol sa amin. Nakakahiya man, sineryoso ko ‘yung assignment, kasi baka nga naman makita kong may sikat na tao pala akong kapangalan!
Pagka-enter ko ng name ko, boom! May nakita akong article na nakapasa daw ako sa DOST Exam! Halos hindi ako makapaniwala. Parang ang layo kasi ng iniisip kong tatahakin ko bilang isang possible working student sa fast food. Napaisip ako, “Ako ba talaga ito?” Para akong nanalo ng grand prize sa raffle na hindi ko alam na sinalihan ko! Hindi na ako nakatiis, kaya agad-agad kong tinawagan ang DOST office para kumpirmahin. At ayun nga, nakumpirma ko: totoo nga! Scholar pala ako! Matagal na pala nila akong hinahanap at hinihintay kung ide-defer ko ba ang slot o tatanggapin ko na. Na-excite talaga ako at feeling ko ang swerte-swerte ko!
Hindi Joke ang BSMath!
Naging malaking tulong ang scholarship sa aking pag-aaral, pero hindi ibig sabihin na naging madali ang lahat. Hindi biro ang BSMath, lalo na ang mga long exams na literal na parang mahabang math marathons, at sabayan mo pa ng madami at mahihirap na mathematical proofs and problem and solution sets! Hindi lang mataas na grades ang kailangang i-maintain kundi pati ang mental health—at bawat semester, parang may battle plan akong ginagawa para masigurado kong hindi ako mabibigo.
Pero ang pinaka-swerte sa lahat? Libre na ang tuition ko! Binabayaran ito ng DOST sa university, kaya malaking ginhawa iyon para sa aking pamilya. Hindi na kami nag-aalala sa tuition, at mayroon din akong P4,000 monthly stipend noon (ngayon, P8,000 na daw—maswerte ang mga bagong scholars, haha!). Sa P4,000 na iyon, nakakaraos ako sa daily expenses ko na dati ay P100 lang bawat araw. Nakakapagtipid pa ako, nakakapagbigay sa family, at nakabili ako ng sariling laptop at cellphone, na malaking tulong talaga sa pag-aaral ko.
Ang Mga Kuwento sa Likod ng Mga Libre at Baon
Pero hindi porket scholar ay puro saya na lang. Ang bawat scholar ay may kani-kaniyang kwento ng sakripisyo. Para kaming may secret society ng mga taong nangangailangan ng extrang kape, at bawat araw ay parang exam. Kailangan mong makasabay sa pressure ng bawat semester, kahit minsan ang gusto mo lang ay magpahinga.
May mga araw na literal na ang motivation ko lang ay ang stipend, kasi sabi ko, “Sige na nga, isang exam na lang, nandyan pa naman ang P4,000 sa katapusan!” Haha! Pero kahit gaano man kahirap, hindi ko maisip na sumuko. Ibang level ang sense of responsibility kapag alam mong nakasalalay ang kinabukasan mo sa bawat subject na pinaghihirapan mo.
Saan Ka Dadalhin ng Scholarship?
Ang pagiging DOST scholar ay isang malaking biyaya para sa akin, pero higit pa doon, ito ay isang inspirasyon na nagturo sa akin ng tunay na halaga ng edukasyon at pagsusumikap. Hindi man kasing-dali ng college life na iniisip ng iba, pero sobrang fulfilling ng bawat tagumpay, maliit man o malaki.
Para sa mga estudyante na nag-iisip kung kukunin ang scholarship, huwag kayong matakot sa mga math exams, lab reports, o kung ano pa mang challenges. Lahat ng yan ay bahagi ng journey. Kung may pangarap ka, may tulong na handang ibigay ang DOST. At kung scholar ka na, alam mo na ang hirap pero alam mo rin ang fulfillment na dala ng bawat semester na nalalagpasan mo.
Thank You, DOST!
Ang DOST Scholarship ay isang napakahalagang programa lalo na para sa mga estudyanteng kapus-palad pero may talento sa STEM. Habambuhay akong magpapasalamat sa DOST para sa pagkakataon na ito na makapag-aral at matupad ang aking mga pangarap. Hindi ko makakalimutan ang tulong na ibinigay ng DOST—mula sa simpleng pagsagot ng tuition hanggang sa araw-araw na allowance.
Para itong regalo na hindi mo hiningi, pero sobrang laki ng impact sa buhay mo.
Kaya para sa lahat ng future scholars, laban lang! Kaya ninyo yan! Tiwala lang sa sarili, sipag, at dasal. Huwag niyo kalimutang i-enjoy ang journey kahit maraming sleepless nights at math headaches. Isang malaking THANK YOU, DOST! Habambuhay ko itong ipagpapasalamat. ❤️
Post a Comment